بسم الله الرحمن الرحيم



في بداية الأمر اسمحوا لي أن أشكر كل من قام على هذا المنتدى الذي يجمعني بأهل بلدي التي بعدت عنها لفترة طويلة ولكن الحمد لله رجعت لها سالما والحمد لله0 اسمحوا لي أن اتكلم باللهجة المصرية مع كل الاحترام والتقدير للغتنا العربية الجميلة0



انا سعيد جدا اني دلوقتي حتى لو أنا مسافر أقدر اعرف أخبار بلدي من خلال المنتدى ده0



فالشكر غير كاف لكل من قام بهذا الجهد0 ومن هذا المنطلق هتكلم انهرده في أول موضوع أساهم بيه في هذا المنتدى واللي أنا شايف ان الكلام فيه مهم جدا في هذا الوقت لأن فيه افادة لطلبة الثانوية العامة اللي دخلين على أول عام جامعي



وهو بعنوان





التفوق وعلاقته بالتميز



لازم نعرف الفرق بين التميز والتفوق , مع العلم انهم مرتبطين ببعض , فالوصول الى القمة أمر سهل لكن الحفاظ عليها أمر صعب.



الجملة دي تصف الفرق بين التفوق والتميز , ازاي؟؟؟؟؟؟؟؟؟؟؟؟؟؟؟



الوصول للقمة هو طريق التفوق, لكن الحفاظ عليها هو التميز , والتميز بالعربي يعني الاختلاف



عندما تكون متميز يعني انتا مختلف بطرقة أحسن عن الاخرين0



للتبسيــــــــــــــــــــــــط



ناس كتير بتسأل هو احنا ليه مش متميزين في حاجة ؟



كمثال عدد كبير جدا من الطلبة بيدخلوا كليات قمة زي طب أو صيدلة أو هندسة ورغم كده مفيش حد بيطلع متميز منهم الا عدد قليل جدا0



أو بصيغة أخرى هو احنا ليه مش مشهورين زي مثلا ايطاليا مشهورة بعلاج أمراض العظم أو زي اليابان في الهندسة أو زي البرازيل في الرياضة أو ما الى غير ذلك؟



الاجابة



بسيطة جدا:



السبب هو احنا مش الدولة.



يعني السبب مش عجز ميزانية الدولة عن تمويل مشروعات التميز أو التقصير وان يكن ده سبب برده



لكن مش ده السبب الأساسي0



السبب الأساسي هو احنا0



طيب احنا مين؟؟؟؟؟؟؟؟؟؟؟؟؟؟؟؟؟؟؟؟؟؟



احنا الأهل 0 يعني الأب و الأم و الأقارب



طيب ازاي؟؟؟؟؟؟؟؟



ده لاننا مسمحناش أو معطناش الفرصة لأولدنا لاختيار الكلية اللي هما عاوزنها



كمثال



كلنا أكيد بنسمع كل سنه عن فلان في البلد جاب مجموع عالي في الثانوية العامة0



وكلنا بالتأكيد بنكون عارفين انه هيدخل طب أو صيدلة أو هندسه0



وده لانها بقت عقيدة من العقائد الشائعة في مصر0



ان اللي يجيب مجموع عالي لازم يدخل كلية زي طب أو هندسة



مع العلم انه ممكن يكون مش حابب الكلية دي0



لدرجة اننا لو سمعنا ان فلان جايب مجموع عالي ومدخلش كلية زي طب ودخل كلية هو عاوزها زي تربية أو تجارة أبسط حاجة تتقال عليه انه مجنون0



طيب يبقا ازاي احنا عاوزين تميز وانتا معطتش الفرصة للمتفوق انه يختار مجاله اللي عاوز يتميز فيه0



بمعنى أصح انتا أقحمت تفكيره لدرجة ممكن توصله للاحباط 0



وده يكمن في جملة زي انه يقول يله أي كلية وخلاص0



المهم اني أتوظف علشان اتجوز0



فعلا ده اللي بقا طبيعي في مصر0



ان الشاب بيتفوق علشان يدخل كلية نظيفة ويتجوز0



ده بقا أعلى طموح للطالب المصري وده سببه ان الأهل هما اللي ربوه على الحكاية دي0



بقا الأب يقول لابنه شد حيلك علشان تدخل كلية كويسة علشان تقدر تتجوز وتشتغل0



يبقا ازاي يبقا عندنا تميز اذا كنا واخدين الموضوع انه عبارة عن وسيلة تمكنا من الجواز والعيشة بس



دون التطلع للتميز0



أتمنى ان الفكرة تكون وصلتكم



وأتمنى من الأهالي تحترم رغبة أبنائها في اختيار الكلية اللي هما عاوزنها



لأن ده الفرق بنا وبين الدول المتقدمة



وهو ان الأهالي احترموا رغبة أبنائهم وده أعطى الأبناء الثقة بنفسهم لدرجة وصلت للتميز0





وفي الختام



أتمنى وصول هذا الوطن الى التميز الذي من شأنه يرفع مكانته بين شعوب العالم0









صيدلي تحت الانشاء/ أحمد جمال عربانو

الاخ احمد جمال عربانو
مرحبا بك على منتداك وشكرا على هذا الموضوع القيم
ناجى السنباطى